睡着觉影BB写真！杨思琦囝囝吐舌头超可爱

再做妈咪嘅杨思琦，仍然难掩兴奋，最近就带初生囝囝去影BB写真，不过就仍然唔见佢圈外老公，保密工夫仍然做足，思琦大女Krystal就有同细佬合照，见到Krystal都好锺意呢个细佬，思琦为囝囝准备多个造型，全程瞓住觉影，真系好叹呀！有时BB仲伸出条脷仔，相当可爱。

思琦代入囝囝角色发文，她说：“今次mummy带我去影“写真”！哗！系“初生写真”啊！第一次影靓仔相，劲开心！哈哈，原来有几个造型添！你哋锺意边款多啲？

又有咁多靓姐姐同我着靓衫、扮型仔，帮我开暖气，打靓灯！个个都锡晒我，对我好好喔！最惊喜系，原来佢哋仲安排左一张超舒服的床俾我瞓！等我全程可以瞓住觉嚟影相，秉承我一向“贪睡”的本色，真系好叹呀！加埋family的成员一齐陪住我影相实在太开心呢！等我可以留住美好一刻！返去要饮多几樽奶庆祝先得。”